Dicebas quondam solum te nosse Catullum,
Lesbia, nec prae me velle tenere Iovem.
Dilexi tum te non tantum ut vulgus amicam,
sed pater ut gnatos diligit et generos. 
Nunc te cognovi: quare etsi impensius uror,
multo mi tamen es vilior et levior.
“Qui potis est?” inquis. Quod amantem inuria talis
cogit amare magis, sed bene velle minus

        Odi et amo. Quare id faciam, fortasse requiris.

        Nescio, sed fieri sentio et excrucior.